qazaqistan pullirini peqetla ana tilda basidighan boldi
qazaqistan pirézidénti nursultan nezerbayéw bügünge qeder hem rusiche, hem qazaqche bésilip kéliwatqan qeghez we métal pullarning buningdin kéyin peqetla qazaqche bésilishigha alaqidar qararnamini testiqlidi.
türkiye awazi radiyosi xewiri: qazaqistanning qanun belgilimiliri we qanun sistémi tor bétide élan qilinghan qeghez we métal pul lahiyesige alaqidar qararnamide, «buningdin kéyin pullar dölet télidila layihilinidu. biraq (normaq ishlitilmeydighan) xatire pulliridila chet el tili ishlitilishige ruxset qilinidu» dégen belgilime orun aldi.
qararnamide ilgiri qeghez pul we métal pullarda hem qazaqche, hem rusche ishlitilishi maqullanghan qararnimining buningdin kéyin pütünley inawetsiz halgha kelgenliki qeyt qilindi.
qazaqistan jumhu reisi nezerbayéwning 2003 – yilida maqullighan qararnamisida, qeghez we métal pullarda hem qazaqche, hem rusche ishlitilishi kérekliki, xatire pullarda qazaqche, rusche we bashqa chet el tilliriningmu ishlitilishke bolidighanliqi belgilengen idi.
