iran pirézidénti: dölettiki türkmenler hakimiyettin téximu köp orun élishi kérek

türkiye awazi radiyosi xewiri: ruhani gülistan ölkisi ziyariti  jeryanida bergen bayanatida, irandiki türkmenlerning hakimiyettin téximu köp orun élishi lazimliqini, hökümetningmu bu mesilide, bolupmu oxshimighan étnik guruppilar we mezheptikilerning hakimiyet ishlirigha téximu aktip qatnishishini ishqa ashurush üchün  nahayiti zor tirishchanliq körsitiwatqanliqini tekitlep mundaq dédi: «bizning qarishimizche, sünniyler bilen türkmenler hakimiyettin téximu köp orun élishi lazim, chünki ular bu heqte layaqetliktur. jümlidin melumatliq we istidatliq kishilerdin paydilinishimiz kérek, bu ularningmu hoquqi bolup, toghrisimu shudur. hökümitimiz jenubiy we shimaliy rayonlarda türlük heq – hoquqlardin mehrum qalghan rayonlargha qarita xizmet ishlimekte, derweqe, bu rayonlardin biri türkmenler yashawatqan rayonlardur. bu nuqtida hökümitimiz her jehettin nahayiti muhim qedemlerni tashlawatidu, nöwette iranda türkmen, sünniy we ayallardin bash elchi, hakim, muawin waliy  we bash mudir süpitide wezipe ötewatqanlar bar. dölitimizning bu heqte téximu köp tirishchanliq körsitishige toghra kélidu, hakimiyet ishlirida ayallargha % 30 orun bérilishi lazim.»