özbék général dostumning ghol qomandanliridin birsi tutuldi

türkiye awazi radiyosi xewiri: afghanistan muawin pirézidénti we jümbüsh partiyesi rehbiri reshid dostumning eng ghol qomandanliridin nizamuddin qeyseri feryab wilayitide tutuldi.

faryab wilayetlik shura bashliqi muhemmed sami xeyirxah, dostumning eng ghol qomandani nizamuddin qeyserining tünügün kechte faryabning merkizi maymana shehiridiki birinchi piyade qisimliri qomandanliq ishtabida tutulghanliqini bildürdi.

tutqun qilish esnasida saqchilar bilen qeyserining muhapizetchiliri arisida toqunush kélip chiqqanliqini éytqan xeyirxah, toqunushta qeyserining 4 muhapizetchisining ölgenlikini, 3ning yarilanghanliqini bildürdi.

xeyirxah mundaq dédi: « qeyseri saqchilar teripidin qolliri baghlinip ayropilan bilen paytext kabulgha ewetildi.»

qeyserining birinchi piyade qomandanliq ishtabigha yighin bahanisi bilen chaqirilghanliqini éytqan xeyirxah, qeyserining tutulghanliqi xewiri tarqalghandin kéyin qollighuchilirining sheher merkizige qarap yolgha chiqqanliqini éytti.

buningdin bashqa, jüzjan ölkisining shibirgan shehiridimu qeyserining tutulushigha naraziliq bildürülüp namayish ötküzülgen.

reshid dostumning eng ghol qomandanliridin nizamuddin qeyserining muhapizetchi salahiyitide 2000din artuq eskiri bar idi.