تاشكەنت – ئىستانبۇل ئوتتۇرىسىدا ئايروپىلان سەپەرلىرىنىڭ سانى كۆپەيمەكتە

تۈركىيە ئاۋازى رادىيوسى خەۋىرى: ئۆزبېكىستان ھاۋا يوللىرى شىركىتى تەرىپىدىن بۇ ھەقتە ئېلان قىلىنغان باياناتتا ئەسكەرتىلىشىچە، نۆۋەتتە تاشكەنت – ئىستانبۇل – تاشكەنت ئوتتۇرىسىدا ھەر ھەپتە 7 قېتىم ئايروپىلان سەپەرلىرى ئىشقا ئاشۇرۇلىدىغان بولۇپ، 9 – مايدىن باشلاپ 9 غا چىقىرىلىدىكەن، ھەمدە شۇ ۋاقىتتىن ئېتىبارەن چارشەنبە ۋە يەكشەنبە كۈنلىرى تاشكەنتتىن ئىستانبۇلغا كۈنىگە ئىككى قېتىم ئايروپىلان سەپەرلىرى خىزمەتكە كىرىشتۈرۈلىدىكەن.

بۇنىڭدىن باشقا يەنە، ئۆزبېكىستان ھاۋا يوللىرى شىركىتى بۇ يىل كۈزدىن ئېتىبارەن دۈشەنبە ۋە پەيشەنبە كۈنلىرى سەمەرقەند – ئىستانبۇل – سەمەرقەند ئوتتۇرىسىدا ئايروپىلان سەپەرلىرىنى ئىشقا كىرىشتۈرىدىكەن.