qazaqistan xitaygha déplomatik nota tapshurdi

türkiye awazi radiyosi xewiri: qazaqistan tashqi ishlar ministiri kayrat abdurahmanow xitayda qazaq xelqige qattiq bésim qiliniwatqanliqi heqqidiki shikayetlerning toghra ikenliki éniqlanghandin kéyin, xitay hökümitige déplomatik nota tapshurghanliqini élan qildi.

kayrat abdurahmanow axbaratchilargha élan qilghan bayanatida «nazazetke élinghan qazaqlarning yéqin - yoruqliri bizge kéreklik höjjetlerni yetküzdi. bu melumatlarning toghra ikenliki éniqlanghandin kéyin, déplomatik yol bilen xitaygha déplomatik nota tapshurduq» dédi.

abdurahmanow xitaydin kélidighan tepsiliy melumatlarni bolsa, bizge iltimas qilghan qazaqistan puqraliri we bésim astidiki qazaq xelqi bilen ortaqlishidighanliqini tilgha aldi. 

qazaqistan muawin tashqi ishlar ministiri  aqilbék kamaldinowmu noyabir éyida xitayda yashaydighan qazaqlarning özlirige qiliniwatqan bésimlar heqqide shikayet qilishi bilen xitayning qazaqistanda turushluq bash elchisi jang xenxüy bilen körüshkenlikini éytti. biraq uchrishishning tepsilati heqqide melumat bermidi.

xitayning bashqurishidiki uyghur aptonom rayonigha qarashliq bezi sheherlerde turushluq 1 yérim milyondin köprek qazaq xelqi we bashqa az sanliq milletler xitay hökümitining pasport bermesliki we bashqa resmiyetlirini béjirip bermesliki tüpeylidin chet ellerge sayahetke chiqish hoquqidin mehrum qaldurulmaqta. 

qazaqistanning yerlik metbuatlirida élan qilinghan xewerlerge asaslanghanda, uyghur aptonom rayonida, 10 neper qazaq siyasiy sewebler ilgiri sürülüp nazaretke élinghan bolup, qazaq xelqige bésim ishlitish dawamlashmaqta iken.