türkmen tetqiqatchi eli elmas suyiqestke uchridi
iraqning kerkük shehiride türkmen tetqiqatchi (akadémik) eli elmas, kimliki namelum kishilerning qoralliq hujumida hayatidin ayrildi.
türkiye awazi radiyosi xewiri: xewpsizlik menbeliridin igilinishiche, kerkük uniwérsitéti qanun fakultéti oqutquchisi eli elmas, sheher merkizide aptomobili bilen kétiwatqanda qoralliq hujumgha uchrap, neq meydanda hayatidin ayrilghan.
kerkük saqchiliri, weqe üstide tekshürüsh élip bérishni bashlidi.
iraq türkmen fironti bashliqi ershat salihi, weqeni eyiblep, iraq türkmenlirige qarshi jinayi qilmish we tehditlerning dawamlishiwatqanliqini eskertti we dunyagha xitab qilip, «emdi bolsimu türkmenlerni nezerdin saqit qilmanglar» dédi.
kerküklük bir qisim türkmen akadémiklar we türkmen ijtimaiy küchlirining bashqurushidiki organlarning ezalirimu, elmasning hujumdin kéyinki foto – süritini ijtimaiy taratqularda tarqitip, türkmenlerge qiliniwatqan hujumlargha xatime bérilishini telep qildi.
