تۈركمەن تەتقىقاتچى ئەلى ئەلماس سۇيىقەستكە ئۇچرىدى

تۈركىيە ئاۋازى رادىيوسى خەۋىرى: خەۋپسىزلىك مەنبەلىرىدىن ئىگىلىنىشىچە، كەركۈك ئۇنىۋېرسىتېتى قانۇن فاكۇلتېتى ئوقۇتقۇچىسى ئەلى ئەلماس، شەھەر مەركىزىدە ئاپتوموبىلى بىلەن كېتىۋاتقاندا قوراللىق ھۇجۇمغا ئۇچراپ، نەق مەيداندا ھاياتىدىن ئايرىلغان.

كەركۈك ساقچىلىرى، ۋەقە ئۈستىدە تەكشۈرۈش ئېلىپ بېرىشنى باشلىدى.

ئىراق تۈركمەن فىرونتى باشلىقى ئەرشات سالىھى، ۋەقەنى ئەيىبلەپ، ئىراق تۈركمەنلىرىگە قارشى جىنايى قىلمىش ۋە تەھدىتلەرنىڭ داۋاملىشىۋاتقانلىقىنى ئەسكەرتتى ۋە دۇنياغا  خىتاب قىلىپ، «ئەمدى بولسىمۇ تۈركمەنلەرنى نەزەردىن ساقىت قىلماڭلار» دېدى.

كەركۈكلۈك بىر قىسىم تۈركمەن ئاكادېمىكلار ۋە تۈركمەن ئىجتىمائىي كۈچلىرىنىڭ باشقۇرۇشىدىكى ئورگانلارنىڭ ئەزالىرىمۇ، ئەلماسنىڭ ھۇجۇمدىن كېيىنكى فوتو – سۈرىتىنى ئىجتىمائىي تاراتقۇلاردا تارقىتىپ، تۈركمەنلەرگە قىلىنىۋاتقان ھۇجۇملارغا خاتىمە بېرىلىشىنى تەلەپ قىلدى.