kanadada tunji qétim bir türk mukapatqa érishti
kanada tarixida tunji qétim bir türk kanada jemiyitige xizmet yuqiri xizmet qilghanlargha bérilidighan eng chong mukapat «kanada sherep médali» gha érishti.
türkiye awazi radiyosi xewiri: kanada sherep médali bilen mukapatlanghan tunji türk doxtur ehmet fuad shahin mukapatini bash waliy juli payéttidin tapshuruwaldi. ottawadiki waliyliq biansida ötküzülgen murasimda, ehmet fuad shahindin bashqa 47 kishimu sherep médaligha érishti.
95 yashqa kirgen we kanada puqrasi bolghan türk doxtur ehmet fuad shahingha, kanadadiki musulman we türk xelqige qilghan xizmetliri sewebidin «kanada sherep médali» bérish qarar qilinghan idi.
ehmet fuad shahin 1958-yili kanadada olturaqlashqan bolup, u özige bérilgen wezipilerni estayidil orunlighandin bashqa, musulman xelqler üchünmu xizmet qilishqa köp küch chiqarghan.
ehmet fuad shahin bu heqte toxtalghanda, 60 yildin buyan qilghan xizmetlirining kanadaning munasiwetlik organlirining étirap qilishqa érishkenlikidin xushalliq hés qilghanliqini bildürdi we yashlargha köp tirishishni tewsiye qildi.
murasimdin kéyin, türkiyening ottawadiki elchisi selchuk ünal ehmet fuad shahin we ailisini huzurida qobul qilip, söhbet ötküzdi.
ehmet fuad shahin: «türkiye tashqi ishlar ministiri mewlüt chawushoghlu mukapatqa layiq körülgen künning etisi manga téléfon qildi. u chaghda chawushoghlu wankowérda yighingha qatnishiwatqan iken. uning téléfon qilghanliqidin cheksiz xush boldum, türkiye bizning ana wetinimiz, wetinimizni her daim chin qelbimdin esleymen» dédi.
مۇناسىۋەتلىك خەۋەرلەر
ezerbeyjan bash ministiri türkiyede ziyarette bolmaqta
ezerbeyjan bash ministiri eli esedof türkiyede dölet ishliri ziyaritide bolmaqta.
özbékistan bilen wéngiriye erkin iqtisadiy rayon quridu
özbékistanda wéngiriye we yawropa shirketliri üchün alahide erkin iqtisadiy rayon qurulidu.