ezerbeyjanda musteqilliqining simwoli «20 – yanwar qetliami» xatirilendi

türkiye awazi radiyosi xewiri: erezebeyjan xelqi 1990 – yili 20 – yanwardiki qetliamda qurban bolghan shéhitlirini xatirilesh üchün bakudiki «shéhitler xiyabani» (shéhitler qebristanliqi)gha sel bolup aqti.

«shéhitler xiyabani» (shéhitler qebristanliqi)ni eng deslep pirézidént ilham eliyéw we bashqa yuqiri derijilik rehberler ziyaret qildi. shéhitzarliqta ötküzülgen murasimda ezerbeyjan milliy marshi oquldi we ilham eléyiw ebediylik meshel xatire munarigha gülchembirek qoydi.

resmiy murasimdin kéyin mingilghan ezerbeyjan puqrasi  shéhitzarliqqa bérip qebristanliqlargha qizil gül qoydi. gul qoyushni xalaydighan puqralarning köplikidin shéhitzarliqning aldida uzun öchiret shekillendi.

saet 12:00 de shéhitlerge bir ménitutluq hörmette turush paaliyiti ötküzüldi. hörmette turush paaliyiti jeryanida hazar déngizi sahilidiki paraxotlarmu signal chélish arqiliq xartirilesh paaliyitige ishtirak qildi. 

türkiyening bakuda turushluq bash elchisi erkan özoral we elchixana xadimliri shundaqla türkiyening bakuda turushluq her qaysi organ we jemiyet wekillirimu «shéhitler xiyabani» (shéhitler qebristanliqi)ni ziyaet qildi.  buningdin bashqa yene türkiyening bakoda turushluq bash elchixanisi, nahchiwan we genche konsulxanisida shéhitlerge hörmet bildürülup bayraqlar yérim chüshürüldi. 

1990 – yili erméniyening ewj alghan zémin teleplirige we sowit ittipaqi hökümitige naraziliq bildürmekchi bolghan minglarche ezerbeyjan puqrasi bakuning azadliq meydanigha qarap aqqan we uzun muddetlik namayishlirini bashlighan idi. 

sowit ittipaqi eskerliri bu yighilishni tarqiiwétish üchün 1990 – yili bakoning oxshash bolmighan jaylirigha bésip kérip, ayal we kichik balilarni ayrip olturmastin 150 ke yéqin kishini öltürüp tashlighan we yüzligen kishini yaridar qilghan idi.

weqede shéhit bolghan kishiler yüz minglighan kishining qatnishishi bilen göz yashliri ichide bügünki nami bilen «shéhitler xiyabani» (shéhitler qebristanliqi) dégen jaygha depin qilinghan idi.

ezerbeyjan xelqi 28 yildin buyan bu eziz shéhitlirini untumay, her yili 20 – yanwarda ularni xatirilep, qebristanliqlirigha qizil gül qoyup kelmekte.