qazaqistanning temirtaw shehiride qara qar yaghdi

türkiye  awazi radiyosi xewiri: qazaqistanning ottura qismigha jaylashqan temirtawda qara renglik qara yéghip hemmini tang qaldurdi.

temirtaw ahaliliri hökümettin bu hadisining sewebini éniqlap chiqishni telep qilip uchur tarqatti.

instagramda bir ishletküchi mundaq uchur yazdi: «qara qar astida yashishimiz mumkin emes, bu jayda tunjuqup qalidighan oxshaymiz.»

resmiy we musteqil tetqiqachilardin teshkil tapqan tetqiqat guruppisi qara renglik qaraning qandaq shekillengenlikini éniqlap chiqish üchün heriketke ötti.

temirtaw qazaqsitanning polat-tömür ishlepchiqiridighan eng chong bazisi bolup, bu sheherdiki zawutlar hawaning bulghinishigha seweb bolush bilen birge, qara renglik qarning yéghishinimu keltürüp chiqarghanliqi ilgiri sürülmekte.

ArcelorMittal isimlik xelqara shirket bolsa rayonning hawasining bulghinishigha seweb bolghuchilarning qatarida körsitilishige naraziliq bildürmekte.

bultur dékabirda peqetla shamal chiqip baqmighan rayonda 11 qétim hidrogén sulfat nisbitining normal miqdardin éship ketkenliki éniqlandi.

bezi temirtaw ahaliliri bu hadise toghruluq imza yighish paaliyiti uyushturup yighilghan imzalarni qazaqistan pirézidénti nursultan nezerbayéwning qizi we muhit teshkilati birlmeshmisining bashliqi eliya nezerbayéwgha ewetti.

temirtaw shehiridiki qaraganda rayoni qazaqistan boyiche hawasi eng meynet we tebietke eng köp ximiyilik qalduq nersilerni tashlaydighan rayon hésablinidu.

bildürülüshiche, 2016-yili 600ming tonna ziyanliq nerse tashliwétilgen.

igilinishiche, qazaqistanda shiddetlik boran-chapqan chiqip jiddiy halet élan qilinghan.