tika qirghizistandiki bir yétim-yisirlar merkizige yardem qildi
türk hemkarliqi we kordinatsiye agéntliqi-tika (TİKA) qirghizistandiki bir yétim-yisirlar merkizige oyunchuq, balilar baghchisi we ashxana esliheliri we öy jabduqliri yardem qildi.
türkiye awazi radiyosi xewiri: tika qirghizistandiki yétim-yisirlar merkizige yardem qilghanliqi toghrisida bayanat élan qildi. bayanatqa asaslanghanda, qirghizistanning jenubigha jaylashqan osh shehiridiki qirghizistan sehiye ministirliqigha qaraydighan bir yétim-yisirlar merkizide 0 yashtin 4 yashqiche bolghan balilar béqilidighan bolup, tika merkezning telipige binaen yardem qolini sunghan. tikaning bishkektiki pirogramma kordinatori eli muslu we uning hemrahliqidiki heyet, oyunchuqlar, balilar baghchisi we ashxana esliheliri, öy jabduqlirini merkezning mesullirigha tapshurghan.
yétim-yisirlar merkizining mesuli roza sadirowa: «tika bizge telep qilinghan yardemlerni qildi. bu biz üchün éytqanda, nahayiti chong özgirish. bu yardemlerge intayin éhtiyajliq iduq, tikadin allah razi bolsun, yardem üchün köp rehmet éytimiz» dégen.
igilinishiche, tika buningdin burunmu bu merkezge yardem qilghan bolup, bir bowaqning opératsiye heqqini tölep bergen.
