ئەزەربەيجان كەڭ كۆلەملىك مانېۋىر ئۆتكۈزمەكتە

تۈركىيە ئاۋازى رادىيوسى خەۋىرى: ئەزەربەيجان دۆلەت مۇداپىئە مىنىستىرلىقىنىڭ بىلدۈرۈشىچە، ئەزەربەيجان ئارمىيەسى پىرېزىدېنت ئىلھام ئەلىيېۋ ماقۇللىغان پىلان دائىرىسىدە 16 – ئاپرېلدىن باشلاپ كەڭ كۆلەملىك ھەربىي مانېۋىر  ئۆتكۈزمەكتە ئىكەن.

خەۋەردە دېيىلىشىچە، 30 مىڭ ئەسكەر، 250 تىن ئارتۇق تانكا ۋە بىرونېۋىك، تەخمىنەن 200 باشقۇرۇلىدىغان بومبا ۋە توپ، 25 ئۇرۇش ئايروپىلانى ۋە تىك ئۇچار ئايروپىلان، يېڭى ئەۋلاد رازۋېتكا ئايروپىلانلىرى ۋە ھاۋا ئاپپاراتلىرى قاتناشقان مانېۋىر مۇۋەپپەقىيەتلىك ھالدا داۋاملاشماقتا ئىكەن.