abdullah toqayning l. mutellip we a. uyghurgha körsetken tesiri
«abdullah toqayning lotfulla mutellip we abduxaliq uyghurgha körsetken tesiri» heqqide piroféssor doktor alimjan inayet ependi bilen söhbet.
türkiye awazi radiyosi xewiri: türkiye hemkarliq we kordinatsiye orgini «TİKA», türk tili tetqiqat idarisi «TDK», xelqara türk kültür teshkilati «TÜRKSOY» b d t ilim - pen, maarip we medeniyet teshkilati «UNESCO»ning türkiye komitéti, ehmed yesiwiy uniwérsitéti we enqere sheherlik hökümitining hemkarliqida ghazi uniwérisitéti teripidin merhum piroféssor doktor mehmet fuad köprülini xatirilesh munasiwiti bilen 2017-yili 17-aprildin 18 –aprilghiche ötküzülgen 2–nöwetlik xelqara türk tili we edebiyati léksiye yighinigha, uyghur akadémiklarmu teklip bilen qatnashti.
yighingha uyghur akadémiklardin izmir ege uniwérsitéti türk dunyasi tetqiqat insitétuti türk folklori bölümining oqutquchisi piroféssor doktor alimjan inayet ependi we qirghizistan issiq köl dölet uniwérsitéti étnik kültür tetqiqat mekiziy filologiye mutexessisi piroféssor doktor seyfullah abdullayiw ependi alahide teklip bilen qatnashti.
mimar kamaliddin yighin zalida ötküzülgen échilish murasimida, mesullarning échilish nutuqliridin kéyin qirghizistandin kelgen uyghur piroféssor seyfullah abdullayiw ependi «qirghizistanda uyghur tilining ana til süpitide oqutulishida körülüwatqan mesililer we hel qilish chariliri» témiliq ilmiy doklatini sunup qizghin alqishqa érishti.
uyghur akadémiklerdin piroféssor doktor alimjan inayet ependi léksiye yighinining chüshtin kéyinki bölümige riyasetchilik qildi we «abdullah toqayning uyghur edebiyati we shéiritige körsetken tesiri» témiliq léksiyesini sundi.
muxbirimiz her ikki uyghur akadémiklirimizni ziyaret qilip, widéoluq söhbet élip bardi.
yuqiriqi ulinishtin piroféssor doktor alimjan inayet ependi bilen örtküzgen «abdullah toqayning lotfulla mutellip we abduxaliq uyghurgha körsetken tesiri»ge dair widéoluq söhbitimizni köreleysiler.
