lopnurda 2000 yilliq qedimiy sheher xarabisi bayqaldi
uyghur aptonom rayonluq arxéologiye instituti emeldari xu shingchün, lopnurdin tépilghan xarabilikning kiroren xanliqigha tewe bolush éhtimalliqini bildürdi.
türkiye awazi radiyosi xewiri: shinxua agéntliqining xewirige qarighanda, uyghur élining lopnur chöli tewelikidiki qidirip tekshürüsh jeryanida chongqurluqi 2.70cm, égizliki 2.5cm, uzunluqi 300 métir kélidighan yumilaq tamlar bayqalghan.
tekshürüsh netijiside yanmuyan 7 mazar bilen mis eynek we rext parchilirimu tépildi.
lopnur chölidiki mezkur tamlar we tarixiy yadikarliqlar yipek yoli boyigha jaylashqan eng qedimiy sheherge tewe bolushi mumkin, dep qaralmaqta.
uyghur aptonom rayonluq arxéologiye instituti emeldari xu shingchün, kolash jeryanida tépilghan qizil söget shéxi we qomush ghollirining karbon tekshürüshidin ötküzülgenlikini, tekshürüsh netijiside, tamlarning miladiye 25 – 220 – yillirida sélinghanliqining otturigha chiqqanliqini eskertti.
xu, lopnur rayonida u chaghlarda kiroren xanliqining höküm sürgenlikige isharet qilghan halda, tamlarning mezkur xanliqqa tewe bolush éhtimali barliqini sözlirige ilawe qildi.
