qirghizistan miqyasida bir künlük matem élan qilindi
türkiyening bir yük ayropilanining qirghizistanning bishkek ayrodurumigha qonush esnasida chüshüp kétishi netijiside hayatidin ayrilghanlarning sani 37 ge yetti.
türkiye awazi radiyosi xewiri: qirghizistan bash ministir yardemchisi muhambetkaliy ebulqaziyéw, xongkongdin bishkekke qarap yolgha chiqqan türkiye yük ayropilanining qirghizistan waqti 7:30 etrapida bishkek etrapidiki bir yézigha chüshüp ketkenlikini bildürdi.
qirghizistan sehiye ministirliqi, hayatidin ayrilghanlarning köp sanliqining ayropilan chüshüp ketken yézidiki qirghizistan puqraliri ikenlikini qeyt qildi.
qazada hayatidin ayrilghanlardin ikki uchquchi bilen ikki yük qachilash xadimining bolsa, türkiye puqrasi ikenliki éniqlandi.
qazada yarilanghan 6 adem balnistqa élindi.
ayropilan chüshüp ketken yézida 15 bina ziyangha uchridi. qazadin kéyin bishkektiki xelqara manas ayrodurumining waqitliq taqalghanliqi eskertildi.
xongkongdin bishkekke qarap yolgha chiqqan boying 747 tipliq yük ayropilanining ACT awiyatsiye shirkitige tewe ikenliki؛ yéqilghu toluqlash üchün qirghizistangha qonushqa temshiliwatqanda hawa sharaitining nacharliqi tüpeyli chüshüp ketkenliki qeyt qilindi.
qirghizistanliq alaqidar emeldarlar, uchquchilarning héchqandaq jiddiy ehwal uchuri yollimighanliqini, biraq ayropilan qonuwatqan esnada küchlük is – tuman bar bolup, körüsh musapisining 150 métirgha chüshüp qalghanliqini bildürüshti.
qirghizistan pirézidénti almazbék atambayéw, qirghizistan miqyasida 2017 – yili 17 – yanwar (seyshenbe küni) bir künlük matem élan qilindi.
ayropilanning qara qutilirining ayropilanning qalduqliri arisidin chiqirildi. ete xelqaraliq mutexessislerdin teshkil tapqan bir heyetning qara qutini tekshürüshi kütülmekte.
