roméniyede bir musulman tatar türk ayal muawin bash ministir boldi
sewil shaideh bu qétimqi yéngi kabéntta muawin bash ministir we rayonluq tereqqiyat ishliri ministirliqigha teyinlendi.
türkiye awazi radiyosi xewiri: roméniyede tatar türkliridin sewil shaidehning bash ministirlik wezipisi ret qilinghandin kéyin emdilikte muawin bash ministir boldi.
roméniyede 11 – dékabirda ötküzülgen omumy saylamda ijtimaiy démokratik partiyesi ghelibe qilghandin kéyin, ikkinchi teklip süpitide bash ministirlikke teyinlishi üchün sorin girndéanuni körsetti. roméniye pirézidénti kilawus lohannis uni bash ministirliqqa teyinlidi we kabént ezaliri tizimliki élan qilindi.
ijtimaiy démokratik partiyesi bash ministirliqqa teyinlinishi üchün eng deslep musulman tatar sewil shaidehni körsetken bolup, biraq bu teklip tégi némis pirézidént kilawus lohannis teripidin ret qilinghan idi.
sewil shaideh bu qétimqi yéngi kabéntta muawin bash ministir we rayonluq tereqqiyat ishliri ministirliqigha teyinlendi.
yéngi hökümet kabéntida 26 ministir wezipe öteydu. ijtimaiy démokratik partiyesi bilen libéral démokratlar birliki partiyesi ezaliri asasiy salmaqni igiligen roméniye parlaméntida, bu teyinlinishlerning testiqtin ötishige héch qandaq tosalghu yoqluqi bildürülmekte.
yéngi hökümet kabéntida libéral démokratlar birliki partiyesige 4 ministirliq tewe boldi.
eger ijtimaiy démokratik partiyesining bash ministir bolushi üchün sunghan deslepki teklipi pirézidént lohannis teripidin ret qilinmighan bolsa idi, roméniyede tünji ayal bash ministir musulman tatar türkliridin sewil shaideh bolghan bolatti.
