özbékistan pirézidéntini saylimaqta
özbékistan xelqi, 27 yil höküm sürgendin kéyin 2 - séntebirde hayatidin ayrilghan islam kerimowning ornigha yéngi pirézidént saylash üchün bélet tashlimaqta.
türkiye awazi radiyosi xewiri: özbékistan pirézidéntliq saylimida «milliy shahlinish démokratik partiyesi», «adalet sotsiyal démokratik partiyesi», «xelq démokratik partiyesi» we «libéral démokratik partiyesi» din jemiy 4 namzat riqabetleshmekte.
pirézidént wekili shewket mirzayéw «libéral démokratik partiyesi» din pirézidént namzati boldi.
saylamda aldinqi pilandin orun éliwatqan mirzayéw, pirézidéntliqqa saylinip qalsa, kerimow dewride bashlanghan démokratik islahatlarni dawamlashturidighanliqi toghrisida wede berdi.
22 milyongha yéqin adem bélet tashlaydighan saylamni özbékistanliq we chet ellik bolup jemiy 1300 muxbir we zhurnalistning yéqindin közitishi mölcherlenmekte.
27 yil boyiche hakimiyet sürgen döletning tunji pirézidénti islam kerimow 2 – séntebirde hayatidin ayrilghandin kéyin, parlamént saylam ötküzüshni qarar qilghanidi.
