yawropa kishilik hoquq mehkimisi abdulqadir yapchan heqqidiki qararini élan qildi
yawropa kishilik hoquq mehkimisi teripidin chiqirilghan bu qarar bilen bir naheqchiliqning aldi élinghanliqi, dunyaning her qaysi jayliridiki uyghurlarni shadliqqa chömdürdi.
türkiye awazi radiyosi xewiri: xitay dairiliri 15 yildin buyan térrorluq bilen eyiblep, türkiyedin qayturup bérishni telep qiliwatqan ataqliq jamaet erbabi abdulqadir yapchan heqqidiki yawropa kishilik hoquq mehkimisining qararnamisi tünügün (30-noyabir) élan qilindi.
2016 – yili 30 - noyabirda yawropa kishilik hoquq mehkimisi teripidin chiqirilghan qararda abdulqadir yapchanni xitaygha yaki üchinchi bir döletke qayturushqa qetiy bolmaydighanliqi éniq uqturuldi.
buningdin ilgirimu, istanbul bakirköy jinayi ishlar sot mehkimisi xitayning eyibleshliride pakit yétersizlikini we sunulghan delillerning xelqara edliye ölchemlirige chüshmeydighanliqini bildürüp, abdulqadir yapchanning gunahsiz ikenliki we xitaygha qayturushqa bolmaydighanliqi heqqide qarar chiqarghan bolup, arqidin türkiye dölet asasiy qanun mehkimisimu abdulqadir yapchanning gunahsiz ikenliki we xitaygha qayturushqa bolmaydighanliqi heqqide resmiy qararname élan qilghan idi.
türkiye yawropa kishilik hoquq mehkimisige eza dölet bolghachqa, mehkimining qararigha xilapliq qilalmaydighanliqi melum.
yawropa kishilik hoquq mehkimisi teripidin chiqirilghan bu qarar bilen, bir naheqchiliqning aldi élinghanliqi, dunyaning her qaysi jayliridiki uyghurlarni shadliqqa chömdürdi.
