islam dunyasi ammiwi teshkilatlar birliki abdulqadir yapchanni qollidi
islam dunyasi ammiwi teshkilatlar birliki abdulqadir yapchan heqqide mexsus bayanat élan qildi.
türkiye awazi radiyosi xewiri: islam dunyasi ammiwi teshkilatlar birlikining tünügün élan qilghan bayanatida, abdulqadir yapchanning 2001 – yilidin tartip panahlanghuchi salahiyiti bilen istanbulda yashawatqan muhim jamaet erbabi ikenliki we bu qétim xitayning bésimi tüpeyli waqitliq qolgha élinip, türmige yollanghanliqigha qarita islam dunyasi ammiwi teshkilatlar birliki bolush süpiti bilen qattiq qayghuriwatqanliqi bildürüldi.
xitayning uyghur rayonidiki chékidin ashqan bésimlirining pütün islam dunyasi teripidin qattiq échinish ichide teqip qiliniwatqanliqi alahide tekitlengen bayanatta yene, xitayning bolupmu chetellerde uyghurlarning kishilik hoquqi we erkinlikliri üchün qanunluq paaliyet qiliwatqan kishilerning hemmini «térrorist» dep qarilimaqchi boluwatqanliqi, buning pisxiologiyelik hujum ikenliki we bundaq eyibleshler arqiliq uyghurlarning eqelliy heq – hoquq teleplirini basturmaqchi boluwatqanliqi ilgiri sürüldi.
bayanata yene, muhajirettiki uyghurlarning ilghar shexislirige qaritilghan bu xil qanunsiz eyibleshlerge étibar bermeslik lazimliqi, mesilining xitay hökümiti teripidin bundaq nuqtilargha élip kélinishi türkiyening her daim ézilgüchilerning yénida bolup kelgen dölet siyasitigmu zit kélidighanliqi bildürüldi.
islam dunyasi ammiwi teshkilatlar birliki öz bayanatida, abdulqadir yapchan heqqidiki telipini otturigha qoyup mundaq dédi:
«biz öz medeniyet bayliqilirimiz asasida gherb dunyasigha insanperwerliktin ders ötüwatqan ulugh dölitimizning héchqandaq ayrimchiliq qilmastin, dunyaning hemmila yéridiki zulumgha uchrighuchilargha qochaq échishtek ésil siyasetliri bilen iptixarlinimiz. mana bu nuqtidin dölitimizde tinchliq we xatirjemlik ichide, qanunluq halda yashawatqan uyghur qérindashlirimizni shundaqla bu heqqaniy dewani qollawatqan barliq musulmanlarni azablinishqa we ümitsizlikke giriptar qilmasliq üchün abdulqardir yapchanning derhal, shertsiz qoyup bérilishini hemde puqraliq iltimasining tizraq qobul qilinip, türkiye gerezhdanliqigha élinishini telep qilimiz»
