ئەزەربەيجان تۈركىيەنىڭ ئازابىغا ئورتاق ئىكەنلىكىنى ئىپادىلىدى

تۈركىيە ئاۋازى رادىيوسى خەۋىرى: ئەزەربەيجان پىرېزىدېنتى ئىلھام ئەلىيېۋ جۇمھۇر رەئىس رەجەپ تاييىپ ئەردوغانغا خىتابەن يازغان تەزىيە تېلېگراممىسىدا، غازىئانتەپتە توي مۇراسىمىدا سادىر قىلىنغان قورقۇنچ تېررورلۇق ھۇجۇمىنىڭ ئەزەربەيجاننى چوڭقۇر قايغۇغا سالغانلىقىنى ئەسكەرتتى.

تېررورىزمنىڭ بارلىق تۈرلىرىگە قارشى كەسكىن ۋە قەتئىي ئىرادە بىلەن كۈرۈش قىلىنىشى كېرەكلىكىنى تەكىتلىگەن ئەلىيېۋ، ھۇجۇملاردا ھاياتىدىن ئايرىلغانلارنىڭ ئائىلە – تاۋابىئاتلىرى ۋە تۈرك خەلقىگە ئەزەربەيجان خەلقى نامىدىن تەزىيە بىلدۈردى.