hindonéziye 4 uyghur üstidin tutush buyruqi chiqardi

hindonéziye dairiliri yene 4 uyghurni tutush buyruqi chiqirilghanlar tizimlikige kirgüzdi.

türkiye awazi radiyosi xewiri: «‹ diplomatiye› tori» ning xewer qilishiche, hindonéziye saqchiliri sulawési ölkisidiki jihad guruppilirigha qatnishish üchün hindonéziyege kirgen uyghurlar sanining 6 ikenlikini, ulardin ikkisining étip öltürülgenlikini, yene tötining qéchip yürgenlikini bildürgen. hindonéziye saqchiliri ötken hepte 2 uyghurni merkiziy sulawisi ölkisidiki bir ormanliqta étiwetkenlikini élan qilghan bolsimu, emma salahiyiti heqqide melumat bermigenidi. hindonéziye 2014- yili 4 uyghurni qolgha alghan we 2015- yili sot échip ularni 6 yilliqtin qamaq jazasigha höküm qilghanidi. hindonéziyening 2 uyghurni étiwetkenlik xewiri tarqalghandin kéyin, uyghurlar arisida küchlük ghulghula qozghighan, uyghur ammiwi teshkilatliri bilen kishilik hoquq paaliyetchiliri qattiq naraziliq bildürgenidi. igilinishiche, aldinqi birqanche yil ichide öz yurtini terk étip, sherqiy jenubiy asiya döletliri arqiliq chet elge chiqish yolini tallighan uyghurlar qatmu – qat qiyinchiliqlargha duch kelgen.