aqsu wilayiti emeldin qaldurulidu

türkiye awazi radiyosi xewiri: xitay taratqulirining xewer qilishiche, uyghur aptonom rayonluq hökümet dairiliri yéqinda aqsu wilayitini emeldin qaldurup, sheher tesis qilish pilani we yer nami qoyush layihiseni élan qilghan bolup, layihege asasanghanda, aqsu wilayiti emeldin qaldurulup, wilayet derijilik aqsu shehiri qurulidiken, nahiye derijilik aqsu shehiri emeldin qaldurulup, «qum rayoni» tesis qilinidiken. yéngi tesis qilinghan wilayet derijilik aqsu shehirige nahiye derijilik bolghan qum rayoni we kucha, shayar, toqsu, bay, onsu, awat, uchturpan, kelpin qatarliq 8 nahiye qaraydiken.

xitay hökümiti aldinqi yildin bashlap, ayrim-ayrim halda turpan wilayiti we qumul wilayitini bikar qilghandin kéyin, yéqinda xoten wilayitinimu emeldin qaldurup, wilayet derijilik sheher tesis qilish pilanini ashkarilighanidi. xitay dairiliri bu pilanni «döletning chégra rayondiki hakimiyet qurulushi, iqtisadiy we ijtimaiy tereqqiyatni tézlitidighan chong ish» dep medhiyiligen. biraq, chet ellerdiki uyghur we xitay közetküchiler buninggha «xitay hökümitining uyghur aptonom rayonini bölüp bashqurush tesewwurini ishqa ashurush üchün qiliwatqan herikiti» dep qarimaqta. igilinishiche, aqsu wilayitini emeldin qaldurush iltimas matériyalliri mushu ayning axirida aptonom rayonluq hökümetning testiqlishigha sunulidiken.