تۈركىيە ئاياللار ۋالىيبول كوماندىسى ئەتە گېرمانىيە كوماندىسى بىلەن مۇسابىقىلىشىدۇ

تۈركىيە ئاۋازى رادىيوسى خەۋىرى: تۈركىيە ئاياللار ۋالىيبول كوماندىسى بىلەن گېرمانىيە ئاياللار ۋالىيبول كوماندىسى ئەتە پولشادا مۇسابىقىگە چۈشىدۇ. مۇسابىقە ئەنقەرە ۋاقتى 20.00، ئۈرۈمچى ۋاقتى 23.00 تە باشلىنىدۇ.

B گۇرۇپپىسىدا بىرىنچى بولغان ۋە 16كوماندىنىڭ ئىچىگە كىرگەن تۈركىيە ئاياللار ۋالىيبول كوماندىسى 2-ئايلانما مۇسابىقىلىرىنى F گۇرۇپپىسىدا ئوينايدۇ. بۇ گۇرۇپپىدا، ئامېرىكا، سېربىيە، گېرمانىيە ۋە كانادا كوماندىلىرى بار. تۈركىيە كوماندىسى بۇ گۇرۇپپىدا ئالدىنقى تۆت كوماندا ئىچىگە كىرەلىسە يېرىم ھەل قىلغۇچ مۇسابىقىگە چۈشۈش سالاھىيىتىگە ئېرىشىدۇ.