türkiye komandisi grékche chélishish türide chémpiyon boldi

türkiye awazi radiyosi xewiri: sérbiye paytexti bélgradta ötküzülgen dunya chélishish chémpiyonluqida, türkiye komandisi grékche chélishish türide ikki altun médal we üch mis médalgha érishti.

türkiye mahiri riza kayaalp 130 kilogiramliqlar, burhan akbudak 82 kilogiramliqlarning musabiqiside altun médalgha érishti. selchuk jan 72 kilogiramliqlarda, yunus emre bashar 77 kilogiramliqarda we eli jengiz 87 kilogiramliqlarda birdin mis médal qolgha keltürdi. metexan bashar 97 kilogiramliqlarda, murat firat 67 kilogiramliqlarda beshnchi boldi.

türkiye mahirliri grékche chélishish türide komanda boyiche 125 nomurgha ériship chémpiyon boldi. ezerbeyjan komandisi 118 nomur bilen ikkinchi, sérbiye komandisi 110 nomur bilen üchinchi boldi.

türkiye girékche chélishish komandisi buningdin ilgiri 2009-yili daniyede ötküzülgen dunya chémpiyonluqida komanda boyiche birinchi bolghan idi. aridin 13 yil ötkende yene tekrar chémpiyonluqni qolgha keltürdi.