biraziliye pirézidénti musabiqe meydanigha kirelmidi
biraziliye pirézidénti bolsonaro wuxen wirusi(Kovid-19) waksinasi emletmigenliki üchün, uning santos-grémiyo (Santos-Gremio) putbol musabiqisi ötküzülgen tenterbiye meydanigha kirgüzülmigenliki élan qilindi.
türkiye awazi radiyosi xewiri: biraziliyede tarqalghan widéoda, dem élish üchün saw pawlo (Sao Paulo) gha kelgen bolsonaro, wuxen wirusi waksinasi emletmigenliki üchün santos-grémiyo musabiqisini neq meydandin körelmidi.
santos komandisining qollighuchisi bolghan bolsonaro meydangha kirgüzülmigenlikidin peyda bolghan biaramliqini ipadilep: «qandaq waksina karti we qandaq waksina pasporti lazim? santos komandisining musabiqisini körüshni xalayttim, waksina emlitilgen bolush kérek, dédiler. néme üchün? mende waksina emletkenlerdin köp antétila bar» dédi.
biraziliyening oxshimighan rayonlirida kishilerning putbol musabiqilirini meydanda körüshi üchün, waksina emletken bolushi yaki tekshürüsh netijisining bolushi telep qilinidu.
wuxen wirusi bilen yuqumlinip salametliki eslige kelgenliki üchün waksina emlitishni xalimighan bolsonaro: «eng axirqi biraziliyelik waksina emletkendin kéyin, waksina ashsa, shu chaghda waksina emlitish yaki emletmeslikni qarar qilimen» dégen idi.
bolsonaro wuxen wirusi tarqalghanda élan qilghan bayanatliri we wuxen wirusigha qarshi yolgha qoyulghan tedbirlerni nezerge ilmasliqi sewebidin köp tenqid qilinghan idi.
wuxen wirusi sewebidin 600 mingdin artuq kishi jénidin ayrilghan biraziliye, amérikadin qalsila wuxen wirusigha munasiwetlik eng köp ölüm weqesi körülgen ikkinchi dölet bolup qaldi.
