UEFA مۇسابىقىلىرىغا بىر تۈرك رېپېرلىق قىلىدۇ

تۈركىيە ئاۋازى رادىيوسى خەۋىرى: خەلقئارا پۇتبول فېدېراتسىيەلىرى بىرلەشمىسىنىڭ رېپېرى جۈنەيت چاكىر ئىسپانىيەنىڭ بارسېلونا كوماندىسى بىلەن ئىتالىيەنىڭ ناپولى كوماندىسى 2020-يىلى 8-ئاۋغۇست (جۈمە) ئوتتۇرىسىدا تاماشىبىنسىز ئۆتكۈزۈلىدىغان ياۋروپا بىرلەشمىسى (UEFA) چېمپىيونلۇقىنىڭ 16 ئايلانما مۇسابىقىسىغا رېپېرلىق قىلىدۇ.

ئىسپانىيەنىڭ بارسېلونادىكى نوۋ تەنتەربىيە مەيدانىدا، ئەنقەرە ۋاقتى 22:00 دە باشلىنىدىغان مۇسابىقىدە پۇشتەك چالىدىغان جۈنەيت چاكىرنىڭ ياردەمچى رېپېرلىقىنى باھاتتىن دۇران بىلەن تارىك ئونگۇن ئۈستىگە ئالىدۇ.

بۇ مۇسابىقىنىڭ تۆتىنچى رېپېرى خالىل ئۇمۇت مەلەر بولىدۇ. مەتە كالكاۋان ۋىدېئو ياردەمچى رېپېر (VAR) ، ئەلى پالابىيىك كالكاۋاننىڭ ياردەمچىسى (AVAR) بولىدۇ.