دۇنياۋى پۇتبول چولپىنىنى بالىلاردەك يىغلاتقان تۈركىيە فىلىمى

تۈركىيە ئاۋازى رادىيوسى خەۋىرى: بىرازىلىيەنىڭ ئالەمشۇمۇل شۆھرەتكە ئىگە پۇتبول چولپىنى نەيمار ئۆزىنىڭ «7  - كامىردىكى مۆجىزە»  فىلىمىنى كۆرگەنلىكىنى ۋە كىچىك بالىدەك يىغلىغانلىقىنى يازدى.

نەيمار ئىنستاگرام ھېساباتىدا «7  - كامىردىكى مۆجىزە» فىلىمىنىڭ سۈرىتىنى ھەمبەھىرلەپ: «بالىسى بارلار مېنىڭ ھازىر ئويلىغانلىرىمنى چۈشىنەلەيدۇ، نېمانداق قالتىس بىر فىلىم؟ مەن كىچىك بالىلاردەك يىغلىدىم» دېگەنلەرنى يازدى.

«7  - كامىردىكى مۆجىزە» مەھمەت ئادا ئۆزتەكىن رىژېسسورلۇق قىلغان ۋە ئاراس بولۇت ئىينەملى باش رول ئالغان تۈركىيە فىلىمى بولۇپ، جەمئىي 5 مىلون 300 مىڭ كىشى تەرىپىدىن كۆرۈلۈپ، تۈركىيەدە 2019 – يىلىنىڭ ئەڭ كۆپ كۆرۈلگەن فىلىمى بولغان ئىدى.