türkiye dunya chémpiyoni boldi
dunya chélishish boyiche chémpiyonluqni talishish musabiqisining ayallar 75 kilogiramliqlar ayrimisida meydangha chüshken türkiyelik milliy tenheriketchi yasemin adar, dunya chémpiyoni boldi.
türkiye awazi radiyosi xewiri: yasemin adar, firansiyening paytexti parizhda ötküzülgen dunya chélishish boyiche chémpiyonluqni talishish musabiqiside, bélarusiyelik wasilisa marzaliukni 4 ke qarshi 5 nomur bilen yéngip, türkiyening ayallar türidiki tunji dunya chémpiyonluqini qolgha keltürdi. chémpiyonluq yasemin adargha hem altun médal, hem öylinish teklipi élip keldi.
musabiqe murasimida yasemin adargha altun médali teqdim qilinghandin kéyin, sehnige gül – chéchek we üzük kötürüp chiqqan erdem yigit, tizlinip olturup yasemin adargha öylinish teklipi qoydi. teklipni qobul qilghan milliy chélishchi, üzükni barmiqigha sélip erdem yigitke ésildi.
jumhur reis rejep tayyip erdoghan télégramma yollap tebrikligen dunya chémpiyoni yasemin ardarni, yashlar we tenterbiye ishliri ministiri osman ashkin bakmu téléfon élip tebriklidi.
