سۆڭەك ساغلاملىقى ۋە سۆڭەك شالاڭلىشىشنى داۋالاشنىڭ تەبىئىي ئۇسۇللىرى

(دوكتور مەھمەت ئۇچار)

سۆڭەك شالاڭلىشىشنى داۋالاشنىڭ تەبىئىي ئۇسۇللىرى تۆۋەندىكىچە:

• سامساق: ھەر كۈنى سامساقنى كۆپ ئىستېمال قىلسىڭىز، سۆڭەك شالاڭلىشىش ۋە سۆڭەك بوغۇم ياللۇغى خەۋپىنى ئازايتالايسىز.

• ئالما: كۈندە بىر تال ئالما يېيىش ئارقىلىق سۆڭەك شالاڭلىشىشنى كونترول قىلغىلى بولىدۇ. ئوكسىدلىنىشقا قارشى تۇرغۇچى ماددىلارنىڭ مىسلىسىز بىرىكمىسى بولغان ئالما سۆڭەك ساغلاملىقىنىڭ كۈچلۈك مەنبەسىدۇر.

• روزېمارىيە: سالاتلىرىڭىزغا بىر نەچچە تال روزېمارىيە قوشۇپ، ئۇنى تاماقتا تېتىتقۇ قىلىپ ئىشلىتىشنى ئادەتكە ئايلاندۇرۇشىڭىز، ياكى روزېمارىيە چېيىنى ئىچىپ بېرىشىڭىز، سۆڭەڭلىرىڭىزگە ئىنتايىن پايدىلىقتۇر.

• كوكۇس مېيى: كوكۇس يېغىمۇ سۆڭەك شالاڭلىشىشقا پايدىلىق يېمەكلىكلەرنىڭ بىرىدۇر. ھەر كۈنى 1 قوشۇق ساپ كوكۇس يېغى ئىستېمال قىلغاندا، سۆڭەك شالاڭلىشىشنىڭ ئالدىنى ئالغىلى بولىدۇ.

• ئاناناس: تەركىبىدە مانگان مول بولغان ئاناناس، سۆڭەك شالاڭلىشىشنىڭ ئالدىنى ئېلىش ۋە داۋالاشتا پايدىلىقتۇر.

•  ياۋروپا كەرەپشىسى: ۋىتامىن K مول، سۆڭەك ساغلاملىقى ئۈچۈن كەم بولسا بولمايدىغان ئوزۇقلۇق ماددىدۇر. تەتقىقاتلار شۇنى ئىسپاتلىدىكى، تەركىبىدە ۋىتامىن K يۇقىرى يېمەكلىكلەرنى يېگەندە، سۇنۇق خەۋىپىڭىزنى تۆۋەنلىتىدىكەن.

• چۆل يالپۇزى: مول مىقداردا ۋىتامىن K بىلەن تەمىنلەيدىغان چۆل يالپۇزى، سۆڭەك ساغلاملىقىدا مۇھىم رول ئوينايدۇ. بۇ خىل ۋىتامىننىڭ كەملىكى، سۆڭەك شالاڭلىشىش ۋە سۇنۇقلار بىلەن مۇناسىۋەتلىكتۇر.

• چۆل رەيھىنى: چۆل رەيھىنى مېيىنىڭ سۆڭەكنىڭ يوقىلىشىغا قارشى مۇداپىئەلىنىش رولى بارلىقى قوبۇل قىلىنىدۇ.

چۆل رەيھىنى مېيى، سۆڭەك شالاڭلىشىش ۋە سۆڭەك ماددىسى بوشىشىش كېسىلىنى داۋالاشتا روزېمارىيەگە قارىغاندا ئۈنۈمى تېخىمۇ يۇقىرىدۇر.

• ئارپىبەدىيان: بوغۇم ۋە سۆڭەك ئاغرىقلىرىغا شىپادۇر. ئارپىبەدىيان ئۇرۇقلىرى سۆڭەك ئاغرىقلىرىنى پەسەيتىش مەقسىتىدە ئۇۋىلاپ ئىشلىتىلىدۇ. ئارپىبەدىيان، ھەم ياللۇغ قايتۇرۇش ۋە ئاغرىقنى پەسەيتىش خۇسۇسىيىتىگە ئىگە، ھەمدە سۆڭەكنىڭ يېتىلىشى ۋە ئوزۇقلىنىشىغا ياردەم بېرىدۇ.

• ئارگۇلا: كالتسىي ۋە ۋىتامىن K نى ئۆز ئىچىگە ئالغان سۆڭەك ساغلاملىقى ئۈچۈن نۇرغۇنلىغان ئاساسلىق ئوزۇقلۇق ماددىلار مول ئۆسۈملۈكتۇر.

• پىياز: پىيازدىكى گۈڭگۈرت بىرىكمىلىرى سۆڭەكتىكى كوللاگېننى كۈچەيتىشكە تىرىشىدۇ. دىيەتلىرىگە تېخىمۇ كۆپ پىياز قوشقان ئاياللاردا سۆڭەك زىچلىقى ۋە يانپاش سۇنۇش خەۋىپى تۆۋەنرەك بولىدۇ.

• ئۆرۈك: سۆڭەكنىڭ مىنېرال زىچلىقىنى ياخشىلاش ياردەمچىسىدۇر.

• قۇرۇق ئۆرۈك: سۆڭەك ماسسىسىنى كۈچەيتىدۇ. شۇ ۋەجىدىن، كۈندۈزى تاماق ۋاقتىدىن سىرتقى ۋاقىتلاردا قۇرۇق ئۆرۈك ئىستېمال قىلىشىڭىز ياخشىدۇر. ھەر كۈنى قۇرۇتۇلغان ئۆرۈك ئىستېمال قىلغاندا، سۆڭەك شالاڭلىشىش ۋە سۇنۇقلارنىڭ ئالدىنى ئالغىلى بولىدۇ.

• سۈت: كالتسىي مەنبەسى بولغان سۈت سۆڭەك ساغلاملىقىنى بوۋاق ۋاقتىدىن ئېتىبارەن  قوغدايدۇ. سۈتنى كۈندىلىك ئىستېمال قىلغاندا، سۆڭەك شالاڭلىشىش خەۋپىنى تۈگەتكىلى بولىدۇ. سۈتنى دارچىن ياكى مېۋە ساپمىسى ئىلاۋە قىلىپ ئىستېمال قىلىشقىمۇ بولىدۇ.

• بادام: تەركىبىدە كۆپ مىقداردا كالتسىينى ئۆز ئىچىگە ئالىدۇ. سۈت بىلەن بادامنى بىرلىكتە ئىستېمال قىلىشقا بولىدۇ.

• بەدىيان: تەركىبىدىكى ۋىتامىن ۋە مىنېرال ماددىلار سۆڭەك قۇرۇلمىسى ۋە كۈچىنى ئاشۇرۇش ھەم قوغداشقا تۆھپە قوشىدۇ.

• قېتىق: سۆڭەك ساغلاملىقىنى ۋە ھەزىم قىلىش سىستېمىسىنى قوغدايدۇ. كۈچلۈك سۆڭەك ئۈچۈن ھەر كۈنى بىر قاچا قېتىق ئىستېمال قىلىش كېرەك.

• لىمون: لىمون سۈيى، مول لىمونلۇق سالات ۋە  ئۆيدە ئىشلەنگەن شېكەرسىز لىمون سۈيى سۆڭەك ساغلاملىقىڭىز ئۈچۈن شىپادۇر.

• بېلىق: تەركىبىدە ئومېگا - 3 مول بولغان بېلىقنى ئىستېمال قىلىش ئارقىلىق ھەم يۈرەك ساغلاملىقى ھەم سۆڭەك ساغلاملىقىنى قوغدىغىلى بولىدۇ.

• پالەك: مۇسكۇل ۋە سۆڭەكنىڭ شەكىللىنىشىنى قوللايدىغان بولغاچقا، پالەك سۆڭەك شالاڭلىشىشنىڭ دۈشمىنىدۇر.

يۇمغاقسۈت: تەركىبىدە تۆمۈر، ماگنىي، كالتسىي ۋە كالىي مول بولۇپ، سۆڭەك شالاڭلىشىشقا قارشى ئىستېمال قىلىنىدۇ. 2 قوشۇق يۇمغاقسۈت ئۇرۇقىنى بىر ئىستاكان سۇدا قاينىتىپ، سوۋۇغاندىن كېيىن ئىچىڭ.

• بروككولى: بروككولىنى ناھايىتى ئاز سۇدا قاينىتىپ ئىستېمال قىلغاندا، سۆڭەك شالاڭلىشىشنىڭ ئالدىنى ئالغىلى بولىدۇ. بروككولى شەربىتىنى ئىچىش ۋە كۆكىنى يېيىش تەۋسىيە قىلىنىدۇ.

• زىغىر: بولۇپمۇ ھەيز كېسىلىش دەۋرىدىكى ئاياللارنىڭ زىغىر ئىستېمال قىلىشى تەكىتلىنىدۇ. تاماقلىرىڭىزغا زىغىر مېيى قوشسىڭىز بولىدۇ.

• قىرىقبوغۇم: ئەڭ دەسلەپ سۆڭەك شالاڭلىشىش كېسىلىگە گىرىپتار بولغانلار كۈندۈزى بىر ئىستاكان قىرىقبوغۇم چېيى ئىچىشى كېرەك.  بىر لىتىر سۇغا بىر قوشۇق قىرىقبوغۇم ئىلاۋە قىلغاندىن كېيىن، 5 مىنۇت قاينىتىڭ. 20 مىنۇت سوۋۇتقاندىن كېيىن، بىر ئىستاكان ئىچىڭ. بۇ ئارىلاشمىنى دائىم ئىستېمال قىلىنغاندا، سۆڭەك ئۈچۈن پايدىسى ناھايىتى  كۆپتۇر.