olturghuch söngek nérwisi aghriqi we tebiiy dawalash usulliri

(doktor mehmet uchar)

olturghuch söngek nérwisi bedendiki eng uzun nérwimiz hésablinidu. eger nérwa herqandaq shekilde tesirge uchrisa,  bolupmu belning asti qismida putta éghir aghriqni keltürüp chiqiridu, bu aghriq bedenge dawamliq kéngiyidu.

deslepte, aghriq anda – sanda otturigha chiqishi mumkin, emma kéyinche aghriqlar köpiyip kétishi mumkin.

olturghuch söngek nérwisi aghriqini tebiiy dawalash usulliri töwendikiche:

süt, hesel we samsaq arilashmisi

olturghuch söngek nérwisi aghriqigha ösümlük doriliri bilen  hel qilish charisi izdewatqanlar, bu dawalash usulini qollanghinida choqum aghriqni peseyteleydu.

aldi bilen süt, hesel we samsaqni arilashturup ichimlik hasil qiling.

bu arilashma ichimlik, olturghuch söngek nérwisi aghriqini peseytishte ünümlük rol oynaydu.

uzundin buyan olturghuch söngek nérwisi aghriqigha giriptar bolup qalghan kishilerning bu arilashma ichimlikni daim istémal qilishi tewsiye qilinidu.

doriliq pinnening uchushchan méyi

pinne méyi olturghuch söngek nérwisi aghriqini tebiiy dawalash usulliridin biridur. oksidlinishqa qarshi turush rolini oynaydighan tebiiy pinne méyi, olturghuch söngek nérwisi aghriqini dawalash üchün tewsiye qilinmaqta.

pinne méyining ünümini körüsh üchün, heptide ikki qétim boyundin tartip putqiche uwulash sheklide sürülüshi kérek.

aghriq hés qilghanda, organik pinne méyini putingizgha sürüshke sel qarimang.

qan aylinishni tengsheydighan bu paydiliq may, olturghuch söngek nérwisi aghriqini peseytidu.

sériq qongghuraqbash méyi

yallugh qayturush küchige ige sériq qongghuraqbash méyini olturghuch söngek nérwingiz aghrighan künlerde ishletsingiz bolidu.

putliringiz aghrighan we putliringizda madarsizliq hés qilghan waqitta sériq qongghuraqbash méyini putliringizgha sürüshingiz tewsiye qilinidu.

sériq qongghuraqbash méyini daim ishletkende, olturghuch söngek nérwisi aghriqini dawalashta körünerlik ünüm hasil qilghili bolidu.

piyaz

otturahal chongluqtiki piyazni ikkige bölüp, her ikkisini lipek söngekliringizge uwulighach sürüng.

aghriq peseytish we yallugh qayturush roligha ige piyaz, putlarda otturigha chiqqan aghriqni peseytishtimu ünümi nahayiti yuqiridur.

piyazning puriqi ademni biaram qilidighanliqi üchün, sürüp bir saet ötkendin kéyin putliringizni yusingiz bolidu.

kaposta yopurmaqliri

kaposta yopurmaqliri olturghuch söngek nérwisi aghriqini peseytishke ishlitish tewsiye qilinidighan ösümlük dorilirining biridur.

kaposta yopurmaqlirini bir-birlep élip, qiziq suda qayniting.

ilman kaposta yopurmaqlirini putlringizgha orap, bir az saqlang.

bu usul sayisida qan aylinish tézliship, olturghuch söngek nérwisi aghriqliridin eser qalmaydu.

künjüt yéghi we zenjiwil talqini

zenjiwil, aghriq otturigha chiqqan ehwallarda eng deslep ademning köz aldigha kélidighan ösümlük bilen dawalash usullirining biridur.

1 qoshuq zenjiwilni 2 qoshuq künjüt bilen arilashturung.

hasil bolghan qaymaqsiman arilashmisini lipek söngengliringizdin putingizliringizgha  qeder sürüng we pütün rayongha bu arilashmini singdürüng.

aghriqingiz qisqa waqit ichide aziyidu.

hesel meyuzek

uzun yil sinaq qilinghan we aghriq peseytish roli bilen daim küntertipke kélidighan hesel meyuzekmu olturghuch söngek nérwisi aghriqini peseytidu.

hesel meyuzekni bir qacha qiziq sugha sélip qaynatqandin kéyin, demleng.

sowughan hesel meyuzek süyini olturghuch söngek nérwisi aghriqi bar jaygha bir lönggining yardimide sürüp, lönggini bir az shu péti qoyung.

heptide bir qanche qétim sinap béqish arqiliq olturghuch söngek nérwisi aghriqlirini peseyteleysiz.

qurutulghan gilas gholi:

texminen 35 dane qurutulghan gilasning gholi bir istakan sugha sélinip, 5 -  4 minut qaynitilidu. beshinchi minuttin kéyin, uninggha bir tutam (besh gramdin on gramghiche) chaqqan ot ilawe qilinidu, hemde uni yene 5 minut qaynitip, issighanda, etigen - kechte uda bir hepte ichilidu.

qiziq su xaltisi yaki dakani bel etrapigha qoyush arqiliqmu aghriqlarni peseytkili bolidu, bu usulni her küni yérim saet qollanghiningizda, choqum paydisini  körisiz.  bundaq qilishni xalimaydighanlar, issiq suda yuyunup bersimu bolidu, chünki issiqliq hem muskulni boshitidu, hem qan aylinishni ashuridu.

chéniqish:

saetlerche olturush, ishxanida ishlesh we téléwizor körüsh, tolimu epsuski, bel omurtqa ariliq texsisi pultiyip chiqish xewpini ashuruwétidu we bel aghriqlirini keltürüp chiqiridu. köpinche olturghuch söngek nérwisi aghriqlirini dawalashta chéniqish usuli qollinilidu. addiy chéniqish usullirining sayisida hem quwwitingiz ashidu, hemde  möriliringizdiki aghriqlar aziyidu.

deslepte olturushning ornigha, qisqa musapige méngip bérelishingiz, pelempeydin yuqiri chiqip, töwenge chüshelisingiz we her küni méngish musapingizni ashuralishingiz mumkin. buningdin bashqa yene, olturush usulingizni pat-pat özgertishingizmu ishingizgha yaraydu.