ت ر ت «‹Telly› مۇكاپاتى» غا لايىق كۆرۈلدى

تۈركىيە ئاۋازى رادىيوسى خەۋىرى: ت ر ت خەلقئارا خەۋەر تارقىتىش رەقەملىك قانال ماسلاشتۇرۇش باشقارمىسى قارمىقىدىكى  «‹TRT World› تېلېۋىزىيە قانىلى» رەقەملىك گۇرۇپپىسى تەرىپىدىن تەييارلانغان «سىيونىستلار ھەرىكىتىنىڭ تارىخى» غا مۇناسىۋەتلىك قىزىقارلىق ئۈچ قىسىملىق ۋىدېيو، 1979-يىلدىن بۇيان ئامېرىكا قوشما ئىشتاتلىرىدا ۋىدېيو ۋە تېلېۋىزىيە ساھەسىدە ئىشلىنىۋاتقان مۇھىم خىزمەتلەرنى مۇكاپاتلايدىغان خەلقئارا Telly Awards ئورگىنى تەرىپىدىن «خەۋەر ۋە ئۇچۇر» كاتېگورىيەسىدە كۈمۈش Telly  مۇكاپاتىغا لايىق كۆرۈلدى.

مۇكاپاتقا ئېرىشكەن ئۈچ قىسىملىق ۋىدېولاردا، 19-ئەسىرنىڭ باشلىرىدا ئامېرىكا قوشما ئىشتاتلىرى، ئارگېنتىنا ۋە ئۇگاندا قاتارلىق دۆلەتلەردىكى يەھۇدىي دۆلىتى قۇرۇش پائالىيەتلىرى ۋە سىيونىستلار ھەرىكىتىنىڭ تارىخى ئەكس ئەتتۈرۈلىدۇ.