ئەلىيېۋ تۈركىيە – ئەزەربەيجان ئۇنىۋېرسىتىتى كېلىشىم لايىھەسىنى ئىمزالىدى
ئەزەربەيجان پىرېزىدېنتى ئىلھام ئەلىيېۋ «تۈركىيە – ئەزەربەيجان ئۇنىۋېرسىتىتى قۇرۇشقا مۇناسىۋەتلىك كېلىشىم لايىھەسى» نى تەستىقلىدى.
تۈركىيە ئاۋازى رادىيوسى خەۋىرى: ئەزەربەيجان پىرېزىدېنتلىق مەھكىمىسىنىڭ بىلدۈرۈشىچە، پىرېزىدېنت ئىلھام ئەلىيېۋ 19 – فېۋرال (2024) پايتەخت ئەنقەرەدە ئىمزالانغان «ئەزەربەيجان ئىلىم-پەن ۋە مائارىپ مىنىستىرلىقى بىلەن تۈركىيە جۇمھۇرىيىتى ئالىي مائارىپ ئورگىنى ئوتتۇرىسىدا تۈركىيە-ئەزەربەيجان ئۇنىۋېرسىتىتى قۇرۇش توغرىسىدىكى كېلىشىم لايىھەسى» نى تەستىقلىغان.
ئەلىيېۋ مەزكۇر كېلىشىم لايىھەسى بەلگىلىمىلىرىنىڭ ئىجرا قىلىنىشىغا كاپالەتلىك قىلىش ئۈچۈن ئەزەربەيجان ئىلىم-پەن ۋە مائارىپ مىنىستىرلىقىغا ۋە بۇ ھەقتىكى تەييارلىق خىزمەتلىرىنىڭ تاماملانغانلىقى ھەققىدە تۈركىيە جۇمھۇرىيىتى ھۆكۈمىتىگە مەلۇمات بېرىشى ئۈچۈن ئەزەربەيجان تاشقى ئىشلار مىنىستىرلىقىغا يوليۇرۇق چۈشۈرگەن.
مۇناسىۋەتلىك خەۋەرلەر
نىگېرىيەلىك ياش سۈنئىي چاچ ياساشتا جىنېس دۇنيا رېكورتىغا كىردى
نىگېرىيەلىك سۈنئىي چاچ ئۇستىسى ئۆزى ياسىغان «ئەڭ كەڭ سۈنئىي چاچ» جىنېس دۇنيا رېكورتىغا كىردى.