«مۇئەللىم» فىلىمى بەش مۇكاپاتقا ئېرىشتى

تۈركىيە ئاۋازى رادىيوسى خەۋىرى: مۇئەللىم فىلىمى 20-ئەسىرنىڭ باشلىرىدا فىرانسىيەدە ئىنژېنېرلىق كەسپىدە ئوقۇغاندىن كېيىن ئانادولۇغا قايتىپ، يېزا ئوقۇتقۇچىسى ئەلىنىڭ ئىش-ئىزلىرى مەزمۇن قىلىنىدۇ.

فىلىم ئىشلىگۈچى خالىت ئاراباجى قاتناشقان بىرىنچى قېتىملىق خەلقئارالىق فېستىۋالدا ئېرىشكەن نەتىجىلەردىن خۇشال ئىكەنلىكىنى بىلدۈردى.

رېژىسسور مۇسلىم شاھىن: «مۇئەللىم فىلىمى تۈركىيەدە سىياسەتكە، ئىقتىسادقا، مەدەنىيەت ھاياتىمىزغا تەسىر كۆرسەتكەن، بولۇپمۇ كىشىلەرنىڭ ۋەقەلەرگە قارىتا قانداق ئىنكاس قايتۇرۇشىغىچە بولغان نۇرغۇن قۇرۇلمىلىق مەسىلىلەرنىڭ مەنبەسىگە ئايلانغان قۇتۇپلاشقان مەسىلىلەر بايان قىلىنىدۇ» دېدى.

تۈركىيە رادىيو-تېلېۋىزىيە ئىدارىسى-ت ر ت بىلەن مەدەنىيەت ۋە ساياھەت ئىشلىرى مىنىستىرلىقى بىرلىكتە ئىشلىگەن «مۇئەللىم» فىلىمى، تۈركىيەدە كىنو فىلىمى كەسپىدە، ئامېرىكادا رېژىسسورلۇق كەسپىدە ئوقۇغان مۇسلىم شاھىننىڭ تۇنجى كىنو فىلىمى ھېسابلىنىدۇ.