لېيدى گاگا جو بايدىننىڭ ۋەزىپە تاپشۇرۇۋېلىش مۇراسىمىدا ناخشا ئېيتىدۇ

تۈركىيە ئاۋازى رادىيوسى خەۋىرى: جو بايدىننىڭ قەسەم بېرىپ ۋەزىپە تاپشۇرۇۋېلىش مۇراسىمىدا، لېيدى گاگا دۆلەت مارشىنى ئوقۇيدۇ، جېننىفېر لوپېز كونسېرت بېرىدۇ.

قەسەم بېرىپ ۋەزىپە تاپشۇرۇۋېلىش مۇراسىمى ۋۇخەن ۋىرۇسى ۋە 6-يانۋار يۈز بەرگەن كونگرەگە بېسىپ كىرىپ ۋەقەسىنىڭ تەسىرى سەۋەبىدىن، چەكلىك ساندىكى كىشىلەرنىڭ قاتنىشىشى بىلەن ئۆتكۈزۈلىدۇ.

ئامېرىكالىق داڭلىق ئاكتىيور توم خانكس (Tom Hanks) رىياسەتچىلىك قىلىدىغان مۇراسىمدا، جون بون جوۋى (Jon Bon Jovi)، جاستىن تىمبېرلېيىك (Justin Timberlake) ۋە دېمى لوۋاتو (Demi Lovato) لارمۇ ناخشا ئېيتىدۇ.

بىخەتەرلىك تەدبىرلىرى يۇقىرى چەككە چىقىرىلغان پايتەخت ۋاشىنگتوندا، 20-يانۋار 20 مىڭ خەۋپسىزلىك خادىمى ۋەزىپە ئۆتەيدۇ.