مارس ئاتموسفېراسىدا يېشىل نۇر بايقالدى

تۈركىيە ئاۋازى رادىيوسى خەۋىرى: «Space.com» تور بېتىدىكى خەۋەرگە قارىغاندا، سۈنئىي ھەمراھنىڭ بايقىشىنى خاتىرىلىگەن بېلگىيە ليېگ ئۇنىۋېرسىتېتىنىڭ ئاسترونومى ژان كلاۋد گېرارد (Jean-Claude Gerard)، يەرشارىنىڭ قاراڭغۇ قىسمىدا ئاتموسفېرادا كۆرۈلگەن ئوكسىگېن ئاتوملىرىنىڭ بەلگىلىك نۇر دولقۇنىنى تارقىتىشىدىن پەيدا بولغانلىقى پەرەز قىلىنغان يېشىل نۇرنى، يەرشارىنىڭ سىرتىدا تۇنجى قېتىم كۆزەتكەنلىكلىرىنى ئېيتتى.

گېرارد يېشىل نۇر تارقىتىشنىڭ ئوكسىگېن مولېكۇلاسىنىڭ خاراكتېرى ئىكەنلىكىنى تىلغا ئېلىپ، «شىمال نۇرلىرى» دەپ ئاتىلىدىغان ئارورالارنىڭمۇ قۇياشتىن تارقالغان ئېلېكتر زەررىچىلىرىنىڭ ئاتموسفېرانىڭ يۇقىرى قەۋەتلىرىدىكى مولېكۇلالارغا سوقۇلغاندا شەكىللەنگەنلىكىنى بىلدۈردى.

گېرارد ۋە ئۇنىڭ خىزمەتداشلىرىنىڭ مۆلچەرىچە، مارستىكى نۇرنىڭ پىلانېتا ئاتموسفېراسىنىڭ %95 نى تەشكىل قىلىدىغان كاربون تۆت ئوكسىد گازىنىڭ ئاتموسفېرانىڭ ئۈستۈنكى قەۋەتلىرىدە پارچىلىنىشى ۋە كاربون ئوكسىد ھەمدە ئوكسىگېن بولۇپ ئايرىلىشى نەتىجىسىدە شەكىللەنگەن بولۇشى مۇمكىن ئىكەن.