qahire bilen buxara 2020 - yilliq islam dunyasi medeniyet paytexti élan qilindi

türkiye awazi radiyosi xewiri: islamiy maarip, pen we medeniyet teshkilati, tunista chaqirilghan 2019 – yilliq islam dunyasi medeniyet paytexti yépilish murasimida, qahire bilen ottura asiya rayonidiki buxaraning 2020 yilliq islam dunyasi medeniyet paytexti dep békitilgenlikini élan qildi.

yépilish murasimida söz qilghan islamiy maarip, pen we medeniyet teshkilati bash mudiri salim bin muhemmed elmalik, mezkur paaliyet arqiliq islam döletliri arisida medeniyet güllinishini qollashni nishan qilghanliqlirini éytti.

tunisningmu uzungha sozulghan islamiy ötmüshi we medeniyet bérikmisi yüzisidin 2019 – yilliq medeniyet paytexti dep békitilgenlikini xatirilitip ötken malik, islamiy maarip, pen we medeniyet teshkilatining islam ilimliri we kültürini tereqqiy qildurush üchün alahide küch chiqarghan ibn xeldunning tunistiki öyini rémont qilidighanliqini eskertti.

tunis medeniyet ministiri muhemmed zeynelabidin bolsa, islam dunyasida medeniyet siyasetlirining güllendürülüshining ehmiyitige isharet qilip ötti.