«türkiye medeniyet yoli féstiwali» dawamlashmaqta
dunya boyiche eng chong we eng keng kölemlik féstiwal bolghan «türkiye medeniyet yoli féstiwali» cheksiz hayajan ilkide dawamlashmaqta.
türkiye awazi radiyosi xewiri: türkiye jumhuriyiti medeniyet we sayahet ministiri mehmet nuri ersoy samsun muzéyida samsun medeniyet yol féstiwali bashlanghanliqi munasiwiti bilen ötküzülgen axbarat élan qilish yighinida qilghan sözide, dunya sayahet teshkilatining sanliq melumatlirigha asaslanghanda, türkiyening bügünki künde aldinqi besh sayahet dölitidin biri ikenlikini, türkiyening muweppeqiyetlirining peqet sayahetchilik bilenla cheklinip qalmaydighanliqini tekitlep mundaq dédi:
«köplüki jehettin rékort buzup tashlanghan tamashibinliri, érishiwatqan mukapatliri we éksport netijiliri, tiyatirdin opéra we balét oyunighiche, kinoliridin téléwiziye tiyatirlirighiche türkiye her sahede uchqandek tereqqiy qilmaqta.»
«türkiye medeniyet yoli féstiwali hem ashu muweppeqiyetlerning netijisidur, hemde bu muweppeqiyetlerning izchil dawamlishishida türtkilik rol onaydighan muhim layihedur. derweqe, bu féstiwal dunyadiki eng chong we eng keng kölemlik féstiwaldur.»
