türk ösmürler türkiyening ülge élinishi kéreklikini bildürdi
b d t omumiy kéngishi munbiride xelqaraliq jemiyetlerge xitab qilghan ikki türk ösmür, türkiyening musapirlargha körsetken méhmandostluq we shepqitining ülge élinishi kéreklikini éytti.
türkiye awazi radiyosi xewiri: türkiye balilar hoquqi ehdinamisi wilayetlik komitétlirining teng hoquqluq reisi beyza kichik bilen muhemmed aktash, b d t omumiy kéngishide ötküzülgen paaliyetke qatnashti.
beyza kichik balilar hoquqi ehdinamisi qobul qilinishtin xéli burunla, yeni 1924-yili 23-aprél künini balilargha bayram sowghisi qilghan dölet bolghan türkiyening ghururluq baliliri ikenliklirini eskertip: «bu bayramni her yili dunyaning her qaysi jayliridin kelgen balilar bilen birlikte tebrikleymiz» dédi.
muhemmed aktash türkiyede balilar hoquqi mesiliside qiliniwatqan xizmetler üstide toxtaldi. u her yili dunya balilar küni süpitide tebriklinidighan 20-noyabirda, türkiyede memliketlik balilar munbiri ötküzülidighanliqini bildürdi we türkiyediki süriyelik musapir balilar üchün qiliniwatqan maslishish pirogrammiliri üstidimu toxtaldi.
u: «dunyadiki barliq döletlerdin süriyelik we bashqa musapirlar üchün türkiyede qilinighinidek, oxshash méhmandostluq we shepqetning körsitilishini telep qilimiz» dédi.
u jemiyetlerning tereqqiy qilghanliqini körsitip béridighan asasiy körsetküchlerdin birining, balilar hoquqigha hörmet qilish ikenlikini eskertip, dunyadiki barliq balilarning, ozuqlinish, panahlinish, söygü, shepqet, salametlik, maarip qatarliq pütkül insaniy éhtiyajlirigha, chonglarning mesul ikenlikini tekitlidi.
مۇناسىۋەتلىك خەۋەرلەر
moskwadiki türk jamaiti qurban héytni birlikte tebriklidi
rusiyening paytexti moskwadiki türk jamaiti qurban héytni birlikte tebriklidi.
