mérkuriy yultuzi quyashning aldidin ötti

türkiye awazi radiyosi xewiri: kem körülidighan alem hadisiliri arisida mérkuriyning quyash aldidin ötüshi, antalya tübitak közitish öyining bilim we jemiyet merkizidiki téléskop arqiliq közitildi.

mexsus ornitilghan kaméralarni ulash arqiliq téléskoplardin élinghan sin körünüshliri közitish öyining taratqu adrésliri arqiliq tarqitildi. mutexessisler aqdéngiz uniwérstéti atatürk konférans zalida orunlashturulghan paaliyetke qatnashqanlargha melumat berdi.

tünügün (11-noyabir) enqere waqti 15:30 da bashlanghan mékuriyning quyash aldidin ötüshi kün patqiche dawamlashti.

mérkuriyning quyash aldidin ötüshi, shimaliy we jenubiy amérika qiteliri, antaraktika, gherbiy afriqa we atlantik okyandin toluq we türkiyedin qismen közitilgenliki bildürüldi.

tübitak közitish öyining intérnét sehipiside bu heqte élan qilinghan bayanatta, quyashning aldidin pilanéta ötkende quyash tutulidu, dep oylashqa bolidighanliqi, biraq mérkuriy we wénéraning kök yüzidiki jaylashqan bulungi sewebidin aygha oxshash quyashni tosuwalmaydighanliqi, shunga quyash nurining azayghanliqini perqlendürgili bolmaydighanliqi qeyt qilindi.

bayanatqa asaslanghanda, mérkuriy otturiche hésab bilen her yüz yilda 13 qétim quyashning aldidin ötken bolup, kéyinki qétim 2032-yili 13-noyabir ötidiken.