«ihlara wadisi» gha ziyaretchiler seldek aqti

türkiye awazi radiyosi xewiri: dunya boyiche kölimi eng keng wadilar qataridin orun alghan, tarixiy we tebiiy güzellikliri bilen ademni séhirleydighan «ihlara wadisi» gha bu yilning deslepki 9 éyi ichide kelgen  sayahetchilerning sani 425 ming 850 ke yetti.

aqsaray wilayitining güzelyurt nahiyesige jaylashqan «kapadokya merwayiti» dep atalghan «ihlara wadisi», dunyaning herqaysi jayliridin kelgen sayahetchilerni tebiiy, medeniyet we tarixiy bayliqliri bilen kütüwalidu.

yilning bu mewsumida jenubiy koréye, xitay, yaponiye qatarliq yiraq sherq elliridin kelgen sayahetchiler intayin qiziqidighan «ihlara wadisi», ziyaretchilirige «méléndiz deryasi» sahilida aylinish, shu yerdiki tarixiy chérkawni ékiskursiye qilish, tarixning pütmes - tügimes bayliq menbeliridin zoqlinish pursiti yaritip béridu.