t r t worldning zionistlar heqqidiki filimi xelqaraliq mukapatqa érishti
t r t world (TRT World) qanili süretke alghan zionistlar heqqidiki höjjetlik filim, dunyadiki dangliq mukapatlardin biri «kümüsh téli (Telly ) mukapati» gha érishti.
türkiye awazi radiyosi xewiri: t r t world qanili süretke alghan «zionistlar herikiti israiliye sirtida yehudiy döliti qurmaqchi bolghanda néme ish boldi?» namliq üch qisimliq höjjetlik filim, axbarat dunyasidiki dangliq mukapatlardin biri «kümüsh téli mukapati» gha érishti.
t r t world qanili ishligen zionizmning tajawuzchiliq tarixi teswirlengen qisimliq höjjetlik filim, 1979-yildin buyan dunyada mezmuni eng yaxshi bolghan filimlerge mukapat bérishni meqset qilghan téli mukapatining «xewer we ijtimaiy uchur- widéo» katégoriyeside mukapatqa érishti.
üchqisimliq höjjetlik filimning birinchi qismi, yawropada teshkillengen zionist herikitining, pelestinni ishghal qilip, olturaqlishishtin ilgiri sherqiy afriqada bir yehudiy döliti qurush meqstini kün yoruqigha chiqiridu. buningda «uganda pilani» dep nam bérilgen heriket bilen kéniyede «yehudiy döliti» qurushni meqset qilghan zionistlarning herikiti bayan qilinidu.
ikkinchi qisimda, yawropada teshkillengen zionistlarning argéntinada dölet qurush meqsiti bayan qilinidu.
üchinchi qismida bolsa, eyni chaghdiki zionist wekillirining amérikaning ichide bolushni telep qilghan «ararat yehudiy döliti» qurush pilani tepsiliy tonushturulidu.
merkiziy amérikagha jaylashqan we dunyada tonulghan téli mukapatliri, bu yil 13 mingdin artuq iltimas tapshuruwaldi. t r t world qanili 2023-yilimu «xewer we uchur», «höjjetlik filim» katégoriyeliride töt ayrim mukapatqa érishken idi.
