«11-qétimliq xelqara t r t höjjetlik filim künliri» axirlashti

türkiye awazi radiyosi xewiri: 11-qétimliq xelqara t r t höjjetlik filim künliri istanbul jemal reshit rey konsért zalida ötküzüldi. murasimda, oxshimighan katégoriyeler boyiche mukapat tarqitildi.

11-qétimliq xelqara t r t höjjetlik filim künlirining «dölet kespiy türi» mukapatigha, «yétimlar méhmanxanisi» namliq filimning ishgüchisi ridwan karaman؛ türkiye medeniyet we sayahet ishliri ministirliqining mukapatigha, «chishchining qorqunchi» namliq filimning ishligüchisi murat erün؛ üchinchilik mukapatigha, «chish aghrisi» namliq filimning ishligüchisi özer kesemen layiq körüldi.

xelqaraliq katégoriyede, dé aléssandro kassigoli bilen kaséy kaufman «képinek» namliq filimi bilen «eng yaxshi filim mukapati» gha؛ just wandéburg «brus li we qaraqchi» namliq höjjetlik filimi bilen «türkiye medeniyet we sayahet ishliri ministirliqi» ning mukapatigha؛ kris martin «axirqi peytte» namliq höjjetlik filimi bilen؛ luki loréntzén «kéche yérimi ailisi» namliq höjjetlik filimi bilen üchinchilik mukapatigha layiq körüldi.

«dölet oqughuchilar filimliri katégoriyesi» de, ughur ersöz bilen nusret oghuzxan yildiz «uchidighan adem» namliq höjjetlik filimi bilen «eng yaxshi filim mukapati» gha layiq körüldi. tolunay tekmek «qizghuch kimlik» namliq höjjetlik filimi bilen «medeniyet we sayahet ishliri ministirliqi» ning mukapatigha؛ berriz öz «bilemsen?» namliq höjjetlik filimi bilen marmara uniwérstétining mukapatigha layiq körüldi.

xelqaraliq, dölet kespiy we oqughuchi filimliri katégoriyeliridin bashqa, bu yil téxi pikir basquchida turuwatqan, filimi ishlenmigen üch layihege «layihe qollash musabiqisi» nami astida mukapat bérildi. bu mukapatlargha, asuman ergüney «ismi adile» namliq layihesi bilen, feyzi baran «nitsining qolyaghliqi» namliq layihesi bilen, musa aq «uzaq» namliq layihesi bilen érishti.

t r t 2009-yili bashlighan «xelqaraliq t r t höjjetlik filim künliri» ge, bu yil 101 dölettin 1397 xelqaraliq katégoriyeni öz ichige alghan jemiy 605 filim qatnashturuldi. oxshimighan alte zalda 80 höjjetlik filim tamashibinlar bilen yüz körüshti.