izzetbégowich wapat bolghanliqining 15 yilliqi xatirilendi

türkiye awazi radiyosi xewiri: izzetbégowich miras qaldurup ketken qarshiliq körsitish, dunyaning her qayisi jayliridiki musulmanlarning yolini yorutup turmaqta. aliya izzetbégowich 1925-yilda, buningdin bir qanche yil burun osmanlidin sabiq yugoslawiyening qoligha ötüp ketken bosniyede dunyagha kelgen. u yashliq yilliridila wetinidiki musulmanlarning heq-hoquqliri üchün küresh qilishni bashlighan.

u tito dewride yugoslawiyening asta-asta parchilinishigha guwah bolidu. «islam xitabnamesi» dégen kitabni yazidu. izzetbégowich kitabida, «nishanimiz musulmanlarning islamlishishi, shoarimiz-ishinish we küresh qilish» deydu we bu sewebtin yillar boyiche türmide yatidu. biraq, u bésimlargha boyun egmeydu, boshnaqlargha yol körsitip, rehberlik qilidu.

1992-yil qorqunchliq bir dewr bashlanghan yil bolup qalidu. deslepte sérblar, arqidin hirwatlar musulmanlarni qirghin qilidu. 20-esirde yawropaning kéndikide boshnaq xelqi irqiy qirghinchiliqqa uchraydu. izzetbégowich bombardiman astidimu bosniyedin ayrilmaydu, belki aldinqi septe turidu. üstidiki herbiy formisi bilen irqiy qirghinchiliqqa qarshi turidu. xelqige zulum qilghanlarning del eksiche, yashanghanlargha, kichik balilargha we ayallargha ziyankeshlik qilmaydu. ghururi bilen urush qilidu.

dunya irqiy qirghinchiliqqa közini yumuwalghan, b d t qarap turghan bolsimu, dunyaning her qaysi jayliridiki musulmanlar boshnaqlargha yardem qildu.

izzetbégowich urush axirlashqandin kéyinmu xelqige rehberlik qilidu. u wapat bolghiche musteqil bosniye-gértségowinaning pirézidénti bolidu.

u türkiyening boshnaqlargha qilghan yardimini untup qalmaydu. hayatining axirqi tiniqlirida wetinini türkiyege amanet qilidu. izzetbégowich wapat bolushtin bir qanche kün burun eyni chaghdiki türkiye bash ministiri rejep tayyip erdoghan uni ziyaret qilidu. izzetbégowich erdoghanning qolini ching tutqiniche: «bu yerler ewladi fatihiandur, bosniyemni qoghdanglar, bosniyemge ige chiqinglar» deydu.

aliya izzetbégowich 2003-yili 19-öktebir 78 yéshida alemdin ötidu. musteqilliqi üchün héchkimge boyun egmigen, irqiy qirghinchiliqqa qarshiliq körsetken alim kéyinki ewladlargha yol körsitip berdi. uning, «kimlikini yoqitishning bedili qulluqtur» dégen sözi, pütkül dunyagha ülge bolmaqta.