qirim tatar medeniyiti tonushturuldi
yawropa kéngishi parlamént ezaliri mejlisi kéngesh binasida qirim tatar medeniyiti heqqide paaliyet ötküzüldi. paaliyette qirim tatar medeniyitini tonushturush körgezmisi échildi.
türkiye awazi radiyosi xewiri: yawropa kéngishi parlamént ezaliri mejlisi kéngesh binasida qirim tatar medeniyiti tonushturuldi. paaliyette, qirim tatar naxsha-muzikiliridin örnekler körsitilidi. yawropa kéngishige eza döletlerning wekillirige tatar tamaqliri tarqitildi.
qirim tatar xelqining rehbiri we yawropa kéngishi parlamént ezaliri mejlisining ukraina heyitining ezasi mustafa abduljemil qirimoghlu körgezmining échilish murasimida söz qildi. u qirimning medeniyet we tarixiy miraslirigha munasiwetlik bezi eserlerning körgezmige qoyulghanliqini bildürüp: «2-dunya urushi mezgilide yüz bergen sürgündin kéyin, qirim tatar medeniyitige ait bayliqlarning hemmisi dégüdek yoq qiliwétildi, bu yerde medeniyet qirghinchiliqi yüz berdi. sabiq sowéitler ittipaqi parchilanghandin kéyin yurtlirigha qaytqan xelqimiz, bu bayliqlarni qaytidin qurup chiqish üchün qolni qolgha tutushup küresh qildi» dédi.
yawropa kéngishi parlamént ezaliri mejlisi heyitining bashliqi wolodimir ariyéw qirimni qollashning xelqaraliq jemiyetlerning mesuliyiti ikenlikini tekitlidi.
ete (30-iyun) strazburgda yawropa kéngishi parlamént ezaliri mejlisining omumiy kéngesh yighini dairiside qirim témisida konférans ötküzülidu.
مۇناسىۋەتلىك خەۋەرلەر
moskwadiki türk jamaiti qurban héytni birlikte tebriklidi
rusiyening paytexti moskwadiki türk jamaiti qurban héytni birlikte tebriklidi.
