türkiye - ukraina hemkarliqi kücheytilidu

türkiye awazi radiyosi xewiri: ukraina ilim – pen ministirliqi yazma bayanat élan qilip, xitayning paytexti béyjingda chaqirilghan antarktika ehdinamisi kéngesh yighinida, türkiye bilen hemkarliqni kücheytish toghrisida birdeklik hasil qildi.

türkiye bilen antarktika tetqiqati saheside ilmiy we téxnikiliq hemkarliq kélishimining buningdin ilgiri imzalanghanliqi xatiritilgen bayanatta, türk wekiller bilen yéngi birer kélishim imzalimastin bu hemkarliqning kücheytilishide birdeklik hasil qilinghanliqi eskertildi.

ötken yili ukraina döletlik antarktika ilim – pen merkizi bilen istanbul pen – téxnika uniwérsitéti qutup tetqiqatliri merkizi we türk déngiz tetqiqatliri weqpi arisida imzalanghan kélishim dairiside her xil uniwérsitétlardin terkib tapqan türk ilim – pen heyiti, ukraina bilen hemkarliq ornatqan halda antarktikada ilmiy seperde bolghanidi.