mehmet akif ersoy éytqan wez-nesihetlerning léntiliri tépilish aldida

türkiye awazi radiyosi xewiri: mehmet akif ersoyning newrisi selma argon chong dadisi gérmaniyening bérlin shehiride charwa doxturluq kespide oquwatqan waqitida, hindistanliq musulmanlargha éytqan wez-nesihetlerning awaz léntilirining barliqi heqqide melumat igiligenlikini bildürdi. u chong dadisining hindistanliq musulmanlargha wez éytish üchün teklip qilinghanliqini eskertip: «bu awaz léntilirining qeyerde saqliniwatqanliqini bilish üchün iltimas sunduq» dédi.

u bundin besh ay burun léntilarni türkiyening bérlindiki konsulxanisidin izdigenlikini, biraq tapalmighanliqlirini qeyt qildi. u: «osmanliche we erebchini pishshiq bilidighanlargha éhtiyajimiz bar. gérmaniyede arxiplardin matériyal izdiyeleydighan némische we osmanliche bilidighan kishiler jezmen bar. bezi menbelerdin awaz léntilirini tapalaydighanliqimizgha munasiwetlik uchurlarni tapshurup éliwatimiz. eger bu ish emelge ashsa, xelq bolush, bolupmu men mehmet akif ersoyning newrisi bolush süpitim bilen, intayin xushal bolghan bolattim. chong dadamning awazini anglashni bekmu xalaymen. anglashlargha qarighanda, chong dadam nahayiti hayajanliq wez éytidikentuq, nutqi nahayiti rawan bolup, wez éytqanda, awazi téximu yuqiri kötürülidikentuq» dédi.

selma argon chong dadisining gérmaniyede oquwatqan chaghlirida toxtimay dölitining mesililirini oylap turghanliqini bildürdi.