bélgradta istanbul foto - süret körgezmisi échildi

türkiye awazi radiyosi xewiri: medeniyet we sayahet meslihet kéngishi bilen bélgrad yunus emre institutining bélgradta achqan istanbul témiliq foto – süret közgezmiliri senetsöyerler bilen uchrashturuldi.

bélgradta échilghan ara gülerning «istanbulning közi» we duygu serinning «kök – qizil istanbul» namliq foto – süret körgezmiliri küchlük qiziqish qozghidi.

türkiyening bélgradta turushluq bash elchisi tanju bilgich körgezme ornida bayanat bérip, gülerning hayati we foto – süretlirining ehmiyiti toghrisida bélgradliqlargha melumat berdi.

bélgrad medeniyet meslihetchisi derya bahadirmu sérbiyege istanbulni tonutushni pilanlighanliqlirini eskertip, «istanbulni chüshendürüsh üchün gülerdinmu muwapiq bir senetchi yoq. shunga gülerning körgezmisini sérbiye xelqining aldigha élip kelduq» dédi.

paytexttiki döletlik körgezme zalida bolsa, bélgrad yunus emre instituti teripidin échilghan duygu serinning «kök – qizil istanbul» témiliq foto – süret körgezmisi ziyaretchilirini kütüwaldi.

körgezmining échilish murasimigha ishtirak qilghan bash elchi bilgich, sérbiye we türkiye xelqining ikki dölet senetchiliri arqiliq uchrishishini muhim, dep qaraydighanliqini qeyt qildi.

gülerning «istanbulning közi» namliq körgezmisi 6 – martqiche؛ serinning «kök – qizil istanbul» namliq körgezmisi bolsa, 15 – martqiche ziyaretchilirini qarshi alidu.