dölet erbabliri balilar bayrimi munasiwiti bilen télégramma tarqatti

türkiye awazi radiyosi xewiri: jumhur reis rejep tayyip erdoghan bu munasiwet bilen tarqatqan tebrik télégrammisida, «biz perzentlirimiz ishinimiz؛ bizning yashlirimizdin kütidighanlirimiz nahayiti chong» dédi.

23 – aprélning démokratiyening, milliy iradining, millet hökümranliqining eng yarqin namayendisi ikenlikini eskertken jumhur reis erdoghan, «türkiyening yashliri sayisida güllinidighanliqigha, ularning dinamizimi, parlaq nishanliri, saghlam eqli iqtidarliri sayisida 2023, 2071 nishanlirigha yétidighanliqigha ishenchimiz kamildur» dégenlerni sözlirige ilawe qildi.

erdoghan, 1920- yilining 23- aprél ruhini balilar we yashlarni dewr teqezza qiliwatqan melumatqa ige qilish arqiliq büyük türkiyeni qurup chiqidighanliqini eskertti.

türkiye büyük millet mejlisi bashliqi ismail qahraman 23- aprél milliy igilik hoquq we balilar bayrimi munasiwiti bilen tarqatqan télégrammisida, «milliy irade tejelliy qilidighan birdinbir jay bolghan türkiye büyük millet mejlisi yüzlerche yilliq dölet tejribisini chiqish qilghan halda mesuliyetni üstige élip kéliwatqan 96 yilliq jeryanda, her mesilini hel qilish üchün yéterlik iqtidargha ige ikenlikini ispatlidi» dédi.

«23- aprél shundaqla perzentlirimizning bayrimidur» dégen mejlis bashliqi qahraman, «etiler meniwi peziletler we milliy ghayiler bilen qorallanghan bügünning kichiklirining yelkiside shekillinidu» dégenlerni tekitlidi.

bash ministir ehmed dawutoghlu bolsa, «tariximizning burulush nuqtisi» dep teripiligen 1920- yilining 23- aprél küni üstide toxtilip, «ichki jehettin saqliniwatqan mesililirini hel qilghan؛ sirtta bolsa, inawitini tiklep küchlük bir dölet bolush nishani türtkiside medeniyet sepirimizni dawamlashturmaqtimiz. pütkül ghayimiz perzentlirimizge téximu güzel, téximu bayashat bir dölet qaldurup kétishtur» dédi.

balilargha «dölitimizning bügüni, kélechiki, yégane ümidi siler» dégen bash ministir dawutoghlu, ulargha ishinidighanliqini alahide tekitlidi.