amérikida islamni maxtighan akadémik ishtin boshitildi

türkiye awazi radiyosi xewiri: Larycia Hawkins musulmanlar duch kéliwatqan ayrimchiliqqa naraziliq bildürüsh üchün yaghliq chekkenidi.

«‹jahandiki özgirishler› tori» ning xewer qilishiche, amérikining Illinois ishtatidiki Wheaton College mektipide tetqiqatchiliq qiliwatqan Hawkins bultur ammiwi ortaqlishish tor bétidiki sehipiside «musulmanlar bilen diniy jehettin hemkarlishiwatimen, chünki xiristiyan bolghanliqim üchün méningmu ilahiy kitabim bar, musulmanlarningmu ilahiy kitabi bar» dep yazghandin kéyin bésimgha duch kelgen.

Wheaton College teripidin bu heqte élan qilinghan bayanatta, «mektep mesulliri bu heqte yighin chaqirip, mesilini tüptin hel qildi. mektep bilen Hawkins otturisida mexpiy kélishim tüzüldi, shuning bilen Hawkins wezipisidin ayrildi» déyilgen.

Hawkins ning ammiwi ortaqlishish tor bétidiki sehipiside bayanat élan qilishidin kéyin mektep mesulliri uni ishtin boshitish üchün heriketke ötken, emma mektep kéngishi tereplerni mesilini ortaq hel qilishqa chaqirghanidi.

islam heqqidiki qarashliri heqqide amérika taratqulirigha bayanat bergen Hawkins , «xiristiyanlarmu, musulmanlarmu, yehudiylarmu ibrahim eleyhissalamning ewladliridur» déyish arqiliq pikirliridin waz kechmigenlikini eskertkenidi.

amérikida bolupmu israiliye lobiliri bilen éwanjélikler iqtisad bilen teminleydighan uniwérsitétlarda oxshimighan qarashtikilerning bésimgha uchrishi diqqet qozghimaqta. bultur Illionis uniwérsitéti oqutquchisi Steven Salaita mu israiliyening ghezzege qaratqan hujumlirigha naraziliq bildürgenliki üchün ishtin boshitilghanidi.