xong kongda yoqap ketken kitabchilar qamalghan

türkiye awazi radiyosi xewiri: «‹jahandiki özgirishler› tor béti» ning xitay saqchi terepning melumatlirigha asaslinip xewer qilishiche, xong kongluq 5 kitabchidin 3 i «qanunsiz paaliyet élip bérish» bilen eyiblinip qolgha élinghan.

guangdong ölkilik saqchi idarisi xong kong saqchilirigha yéqinda iz-déreksiz yoqap ketken kitabchilarning xitayda jinayet teshkil qilidighan qanunsiz paaliyetlerni élip barghanliqi seweblik qolgha élinip, soraq qilinishqa bashlighanliqini bildürgen.

xewerde déyilishiche, dairiler mezkur kishilerning qandaq jinayetlerni sadir qilghanliqi toghruluq melumat bermigen.

xong kongdiki bir kitabxanida ishleydighan 5 kishi buningdin birqanche ay ilgiri iz-déreksiz yoqap ketken bolup, bu kishilerning xitay saqchiliri teripidin tutup kétilgenliki ilgiri sürülüwatatti. xong kongdiki kishilik hoquq paaliyetchiliri kitabchilarning xitay dölet reisi shi jinpinggha munasiwetlik cheklengen bir kitabni satqanliqi seweblik qolgha élinghanliqini ilgiri sürmekte.

igilinishiche, qalghan 2 kitabchiningmu téxiche iz-dériki yoq iken.